रोचक विश्व

विचित्रको आँपको रुखले सबैको ध्यान तान्दै

कपिलवस्तु । कपिलवस्तुमा रहेको अनौठों तथा बिचित्रको एउटा आँपको रुखले सबैको ध्यान तान्न थालेको छ । मानिसहरु आँपको रुखमा दैवी शक्ति रहेको विश्वासले हरेक सोमबार पूजा गर्दै आएका छन् भने आँपको रुख हेर्नका लागि पनि भीड लाग्ने गरेको छ । एक रिपोर्ट आँपको रुखको हागां माथि गई र सोही हांगा फेरि जमिनमा झरेको छ ।

त्यस्तै सो हाँगा जमिनबाट पुनः माथि सरेकोले आँपको रुख अनौठोमात्र नभई दैवी शक्ति रहेको विश्वास पनि गरिन थालिएको छ । कपिलवस्तुको साबिक धनकौली –१ धनकौली हाल बाणगंगा १० मा करिब ३ सय बर्ष पुरानो आँपको रुखमा दैवी शक्ति रहेको विश्वास गरिएको हो । स्थानीय केही व्यक्तिहरुले आँपको रुखमा पूजापाठ गरि गरेको भाकल पनि पूरा भएको पनि बताउदै आएका छन् ।

स्थानीय विश्वम्भर मिश्रको ५ कठ्ठा जग्गामा रहको सो आँपको रुख मोटो छ भने हाँगा चारै तिर फैलिएको छ । उक्त रुख अहिले भपक्क फुलेको छ । प्रत्येक दिन भक्तजन भीड लाग्ने आँपको रुखको कुनै पनि हाँगा पनि सुकेको छैन । आँपको रुख बिक्री गरे पछि रुख काटन आउने मानिस बिरामी भै रुख काटन नसकेपछि पछि रुख माथि सर्वसाधारणको विश्वास झनै बढ्न पुगेको हो ।

आँपको रुखको माथि समय माईको साया रहेकोले रुखको पूर्वतर्फ समय माई देबीको सानो मन्दिर स्थानीयले स्थापना गरेका छन् । सो मन्दिरमा भाखल पूरा हुनेले हातीको मुर्ति राख्ने गरेका छन । प्रत्येक सोमवार उक्त रुख मुनी ठूलो संख्यामा भक्तजनको भीड लाग्ने गरेका छन् । आँपको रुखमा ३ किसिमको आँप फल्ने गरेको स्थानीयको भनाई छ ।

फेशबुकबाट तपार्इकाे प्रतिक्रिया

थप पढ्नुहाेस्

कालंगा न्युज

कालंगान्युज डट् कम सके जति छिटो छरितो र विश्वासनिय सत्य तथ्य समाचार ल्याएर तपाईको सूचनाको तिर्खा मेट्न अहोरात्र जागा छ । कालंगान्युजले ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कालंगान्युजले कहिल्यै कसैसँग सम्झौता गर्ने छैन ।

Leave a Reply

Your email address will not be published. Required fields are marked *