loading...

साइपाल हिमाल आरोहणमा असफल भए विश्व किर्तिमानी आरोहि डा. जर्ज

loading...

मकरराज धामी,  कार्तिक २८ बझाङ


बझाङमा रहेको साइपाल हिमाल आरोहणको प्रयास गरिहेका दुई टोली आरोहण गर्न नसकेर फर्किएको छ । ७ हजार ३१ मिटर अग्लो साईपाल हिमाल आरोहण गर्न प्रयास गरिरहेको अमेरिकी, क्यानेडिन र चार जना बझाङी चेली सहितको विश्व विख्यात आरोहीहरुको दुबै टोली मौसम अनुकुल नहुँदा हिमाल आरोहण गर्न नसकेर फर्किएको हो । बझाङी चेलीहरु साइपाल गाउँपालिकाका लक्ष्मी बुढा, संगिता रोकाया, सुर्मा गाउँपालिकाकी पवित्रा बोहरा र तल्कोट गाउँपालिकाकी सरस्वती थापा सहितको विश्व विख्यात आरोहिकोे टोलीले कात्र्तिक १८ गते बाट हिमालको दक्षिणी मोहडाबाट आरोहण सुरु गरेका थिए ।


दुईजना विदेशी र चारजना शेर्पाको टोली साइपाल हिमालको ६ हजार ८ सय मिटरको उचाइ सम्म पुगेपनि अभियान सुरु गरेकी बझाङकी चार छोरीहरु भने ५ हजार ६ सय मिटर उचाई सम्म पुगेर फर्किएका थिए । तर १८ सय मिटरको रोप (डोरी) मार्फत आरोहण गर्न नसकेपछि फर्किएर उनीहरु सोमबार बझाङ सदरमुकाम चैनपुर आइपुगेका छन ।
मिसन साईपाल नाम दिएर बझाङको साइपाल हिमाल आरोहण गर्नेमा आठ हजार मिटर भन्दा बढी उचाईका १४ वटै हिमाल चढेर विश्व रेर्कड कायम गरेका स्पेनिस नागरिक डा. जर्ज इगोचेएगा र आठ हजार मिटर भन्दा माथिकै सबै हिमाल चढिसकेकी संसारकी प्रथम महिला एडुर्ने पासावन समेत रहेका थिए । लगातार हिमपात भईरहने र जोरले हावा चल्ने भएका कारण टोली चुचुरोमा पुग्न नसकेको हिमाल आरोहणमा विश्व किर्तिमान कायम गर्न सफल स्पेनिस नागरिक जर्ज इगोचेएगाको भनाई छ । दक्षिणी मोहडाबाट हाल सम्म कसैले पनि सफल आरोहण गर्न सकेका छैनन । सुदूरपश्चिमको भ्रमणपछि नेपालको यात्रा पूर्ण भएको उनको भनाई छ । सन् १९८९ मा पहिलोपटक नेपाल आएका उनी त्यसयता ३३ पटक भन्दा बढी आइसकेका तर सुदुपश्चिममा भने उनी पहिलोपटक आएका हुन । विश्वलाई एकपटक सुदूरपश्चिम घुम्न आह्वान गर्ने बताउदै उनले भने, ‘यहाँको भौगोलिक सुन्दरता विश्व जगत लाई लठ्याउने छ । यस्तो कुरा ओझेलमा पर्नु भनेको यहाँको समुदाय अझै पछाडि पर्नु हो ।


यस अघि अमेरीकाका स्की खेलाडी विलियम एस लासेल्स, ट्यालेर जोन, वेनार्ड स्ट्राग्वलेवस्की, जोन्सन थम्पसन र क्यानाडाका चाड सार्यस समेत रहेको उक्त टोलीका दुई सदस्य ट्यालेर जोन र वेनार्ड स्ट्राग्लेवस्की अक्टोवर २७ तारिखको दिन विहान ६ हजार ७ सय मिटर सम्म पुगेको थिए । तर अप्रत्यासित रुपमा तापक्रम घटेको र तिव्र गतिमा हावा चलेका कारण आरोही टोली चुचुरोमा पुग्न नसकी फर्किएका थिए । अमेरिकी नागरिक र्फोरेस्ट सि कोट्सको नेतृत्वमा रहेको उक्त टोली करिब २५ दिन देखी हिमालको दक्षिणी मोहडाबाट आरोहण गर्न प्रयास गरिरहेको थियो । आरोहणका लागी अक्टोवर ३ तारिखका दिन साइपाल आधार शिविर पुगेको सो टोलीले तिन पटक साइपाल आरोहणको प्रयास गरे पनि असफल भएको आरोहण दलका सदस्य भोजराज भाटले बताए ।

फेसबुकबाट तपाईको प्रतिक्रिया

loading...
थप पढ्नुहाेस्

कालंगा न्युज

कालंगान्युज डट् कम सके जति छिटो छरितो र विश्वासनिय सत्य तथ्य समाचार ल्याएर तपाईको सूचनाको तिर्खा मेट्न अहोरात्र जागा छ । कालंगान्युजले ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कालंगान्युजले कहिल्यै कसैसँग सम्झौता गर्ने छैन ।

सम्बन्धित शिर्षक

Leave a Reply

Your email address will not be published. Required fields are marked *